NATA lýsir eftir umsóknum

Nú er møguleiki at søkja um stuðul frá NATA. Øll við áhuga fyri at fremja ferðavinnusamstarv millum Grønland, Ísland og Føroyar kunnu søkja um stuðul til verkætlanir innan hesi øki:

  • Nýskapan og vørumenning
  • Marknaðarføring
  • Kunningarferðir millum ferðavinnuvirki
  • Góðsku- og umhvørvismenning innan ferðavinnu

Møguleiki er nú aftur at søkja NATA um stuðul til ferðing til Íslands og Grønlands. Hesi kunnu søkja um stuðul:

  • Skúlaflokkar
  • Ítróttarfeløg
  • Tónleikabólkar
  • Onnur mentanarsamstørv

NATA er samstarvsavtala millum ferðavinnuráðharrarnar í Grønlandi, Íslandi og Føroyum. Endamálið er at menna samstarv um felags áhugamál í ferðavinnu og at styrkja ferðamøguleikarnar og mentanarliga samskiftið millum hesi trý londini.

Umsóknir skulu skrivast á serligt umsóknarblað og skulu vera antin á donskum ella á enskum máli.

Nærri upplýsingar um NATA og stuðulsmøguleikarnar fáast við at lesa vegleiðingina, sum liggur á heimasíðuni ella við at venda sær til NATA á [email protected].

Umsóknarfreistin er fríggjadagin, 25. august 2017.

NATA hevur eina heimasíðu, bæði á donskum og enskum, ið hevur tvey oyðubløð, sum skulu nýtast at søkja um stuðul frá NATA. Á donskum eita oyðubløðini “turismeudvikling og markedsføring” og “rejestøtte”.

Umsøkjarar fáa svar 4. oktober 2017. Tað kann ikki søkjast stuðul til verkætlanir og ferðir, ið eru av innan 4. oktober 2017.

Les meira