Fólkadansur - børn og vaksin saman v/ Sharon Weiss og Kristian Blak

Í vár fer aftur at bera til hjá foreldrum og børnum/ungum at dansa fólkadans í Gulu smiðju eina ferð um mánaðin. Vit dansa millum kl.16-17 fjórða sunnudagin í mánaðinum: 23. mars, 27.apríl og 25. mai 2025.
Sharon fer at læra okkum dansirnar, tað er ikki neyðugt at duga nakað frammanundan.
Vit fara at dansa til livandi spælimanstónleik – talan er um sokallað ”opið orkestur/open band”, t.v.s. at 2 – 3 yrkistónleikarar hava ábyrgd, og tónleikarar á ymsum støði, sum hava hug at royna seg, sleppa at “detta inn á gólvið” og taka lut eftir førimuni.
Nótar kunnu fáast á staðnum (men tú skalt helst taka títt egna nótastativ við, um tú ætlar at brúka nótar).
Sharon (dansur) og Kristian (konsertmeistari/tónleikur) eru við hvørja ferð; hinir tónleikarnir kunnu verða skiftandi.
Ókeypis atgongd. Dansurin er fyri børn úr forskúlaskúlaaldri og uppeftir.
Tiltakið er eitt samstarv millum Gulu smiðju og Fólkatónleikarafelagið.