Ein uppskriftabólkur við føroyskum tilfari er gjørdur til at hjálpa fólki í Føroyum og gestum at gera góðan, burðardyggan mat við hús. Hesar uppskriftir taka støði í seyðahaldi og grønmetisvelting í Føroyum til tess at stimbra betri samband við føroyskan landbúnað og at styrkja føroyskan matbúskap. Tær varpa eisini ljós á og stimbra burðardygd við at eggja fólki til at brúka avroð og annað av seyðinum.

Tað mesta av tilfarinum og uppskriftunum er at fáa á matmarknaði í Tórshavn flestu mánaðar. Tað eru føroyskir kokkar, sum hava gjørt uppskriftirnar,  og onnur, sum brenna fyri at varðveita og menna føroyska matmentan. Í samstarvi við Visit Faroe Islands, Búnaðargrunnin, Matkovan og FaroeseSeafood.com.