Nú er møguleiki at søkja um stuðul frá NATA. Øll við áhuga fyri at fremja ferðavinnusamstarv millum Grønland, Ísland og Føroyar kunnu søkja um stuðul til verkætlanir innan hesi øki:

• Nýskapan og vørumenning
• Marknaðarføring
• Kunningarferðir millum ferðavinnuvirki
• Góðsku- og umhvørvismenning innan ferðavinnu
   

Møguleiki er nú aftur at søkja NATA um stuðul til ferðing til Íslands og Grønlands. Hesi kunnu søkja um stuðul:

• Skúlaflokkar
• Ítróttarfeløg
• Tónleikabólkar
• Onnur mentanarsamstørv

FREISTIN AT LATA INN UMSÓKNIR ER 25. SEP. 2023

Í 2023 er NATA serliga áhugað í verkætlanum ið leggja áherðslu á endurskapan av ferðavinnuni eftir Covid-19, burðardygd og talgilding innan ferðavinnuna.

Umsóknir skulu skrivast á serligt umsóknarblað og skulu vera antin á donskum ella á enskum máli. Umsóknarblaðið og neyvari upplýsingar fáast á heimasíðuni www.nata.fo ella við at skriva til Erlu Weihe Johannesen á skrivstovuni hjá NATA, nata@vinnuframi.fo

Umsøkjarar fáa svar 30. okt 2023. Søkjast kann ikki um stuðul til verkætlanir og ferðir, ið eru av innan 30. okt. 2023.

NATA hevur eina heimasíðu, bæði á donskum og enskum, ið hevur tvey oyðubløð, sum skulu nýtast at søkja um stuðul frá NATA. Á donskum eita oyðubløðini “turismeudvikling og markedsføring” og “rejestøtte”.