Ætlanin við bygdarskeltum er at vísa ferðandi á, hvar ymist er. Tað veri seg vesi, p-øki, handlar, kaffistovur, søvn, gongutúrar o.a. Bygdarskeltini eru yvirlit yvir bygdina.

Øll bygdarskeltini fáa sama eyðkenda snið og kunna í stuttum.  

Skeltini vísa strikuteknað kort við hæddarkurvum. Ímyndirnar eru tær somu, ið Visit Faroe Islands hevur á heimasíðuni, tær eru einfaldar og greiðar. Skriftin er tíðarhóskandi og greið, og kunningin er stutt og neyv.

Visit Faroe Islands letur skeltini ókeypis. Kunningarstovur og kommunur eiga ábyrgdina av, at tey verða sett rætt upp.

Bílegging

1) Goym bíleggingarskjøl á telduni.

2) Fyll út bíleggingarskjøl bygd fyri bygd.

3) Legg kort av bygdini við og vís á, hvat ið skal á skeltið, og hvar plássini eru á kortinum. Gev gætur, at tey kunnu vera fleiri enn tey seks, ið frammanundan eru á bíleggingarskjalinum.

4) Savna bíleggingarskølini í ein teldupost og viðmerk “boðskelti + navn á stovni, ið bíleggur” og send til: alda(kurla)visitfaroeislands.com

Bygdarskeltini eru tey, ið ofta síggjast, tá ið tú kemur til eina bygd. Tey eru ofta í Eik rammum, og í hesar rammur verða nýggju skeltini sett. Støddin er 127x82cm.

Eisini bjóða vit kunningarstovum og kommunum skelta rammurnar ið Tórálvur Weihe, arkitektur, sniðgav í 2003 (sí handbók her). Hesar rammur eru tær ið, longu í dag, síggjast við flestu bygdir í Føroyum.

DØMI UM BYGDARSKELTI

BÍLEGGIGARSKJAL