Kórløta við rútmum og ljómum úr gospel-og poppheiminum.

11. juni kann áhoyrarin seta seg afturá og njóta løtuna frá norska kórinum SK'ØYEREN. Serliga navnið hava tey fingið á mannamunni, og er ein stytting av "Sangkoret Øyeren". Kórið, sum eru úr Osloøkinum, telur umleið 50 sangarar, og tey hava sett eina summarliga skrá saman á Føroyaferð síni, við - sambært teimum sjálvum - vøkrum popp- og gospeltónleiki. Tað er serliga eldri gospeltónleikur, sum tey framføra, og tað verður spennandi at vita, hvat tað merkir.

Kórið hevur verið á nógvum uttanlandsferðum, og hetta er teirra fyrsta kórferð í Føroyum. Sangararnir eru vælsyngjandi amatørar í aldrinum 20-75 ár. Kórleiðari er Vidar Kjeldsen. Vidar hevur eisini klaverfylgjuspælið og hevur sjálvur lagt tónleikin til rættis.

Konsertin er ókeypis. Vælkomin í Vesturkirkjuna