Nýskapan í ferðavinnuni 2025

Arbeiðir tú við einum ferðavinnuhugskoti ella hevur tú eina ferðavinnufyritøku og ynskir at brynja hana til komandi ferðavinnuár?
So kanst tú søkja um at luttaka í vinnudíkjara átakinum Nýskapan í ferðavinnuni, sum verður í Hugskotinum frá 20. januar til 7. mars 2025, har tú fært møguleika at arbeiða miðvíst við tínum hugskoti ella tínari fyritøku í sjey vikur. Umsóknarfreistin er til og við mánadagin 25. november. Øll, sum ynskja at menna ella nýhugsa teirra ferðavinnuvirksemi, eru vælkomin at søkja her: https://hugskotid.fo/events/nyskapan-i-ferdavinnuni-2025/

Tað eru Hugskotið og Visit Tórshavn sum skipa fyri átakinum, sum seinastu árini hevur stimbrað undir menningina av nógvum nýggjum fyritøkum í ferðavinnuni. Alt í alt hava 37 ferðavinnufyritøkur og verkætlanir luttikið í átakinum síðani 2019.