Fyri nøkrum fáum árum síðani, vóru tað fleiri fólk, ið fluttu av landinum enn heim til Føroyar. Ferðavinnan er ein av fleiri orsøkum til, at gongdin er vend seinastu árini. Hon hevur havt leiklut í, at Føroyar nú hevur fleiri og betri tilboð at bjóða sínum íbúgvum, og at Føroyar er eitt meira fjølbroytt samfelag. Tað verður javnan tikið til, at fólk velja at flyta heim, tí Føroyar nú eru eitt meira spenanndi samfelag enn fyri nøkrum árum síðani.
Hjørdis í Dávastovu flutti fyri kortum heim til Føroyar við sínari familju. Hon sigur, at tey tilboð og tað fjølbroytni, ferðavinnan skapar í Føroyum, hevði týðandi ávirkan á avgerð teirra at flyta heimaftur.