Use the icon on pages to add to favourites.

See & Do

{{::favorite.region}}

{{::favorite.title}}

{{::favorite.excerpt}}

Editorials

{{::favorite.region}}

{{::favorite.title}}

{{::favorite.excerpt}}

Events

{{::favorite.region}}

{{::favorite.title}}

{{::favorite.excerpt}}

Closed for maintenance, Open for voluntourism

Nú ber til at tekna seg sum sjálvboðin til átakið Closed for Maintenance, Open for Voluntourism, sum verður 23.– 24. september 2021

 

Í døgunum 23. til 24. september 2021 vera sjálvboðin aftur at síggja kring landið í samband við ‘Closed for Maintenance, Open for Voluntourism’ átakið, sum Visit Faroe Islands skipar fyri saman við kommunum og kunningarstovum kring landið.

Í vár skipaði Visit Faroe Islands fyri einari minni útgávu, kallað “Closed for Maintenance – Føroyar”, har bara føroyingar tóku lut, men nú fara útlendsk sjálvboðin aftur til arbeiðis. Tey útlendsku sjálvbodnu eru 52 í tali og í aldrinum 18-67 ár. 20 ymiskir tjóðskapir eru umboðaðir, m.a. Týskland, Holland, Spania, USA, Danmark og Svøríki. Hesi sluppu ígjøgnum nálareygað í 2020, tá ið fleiri enn 4.000 útlendingar teknaðu seg. Átakið bleiv tó útsett, og tey hava tí bíða í hálvtannað ár eftir at sleppa til Føroya at arbeiða.

Áleið 60 sjálvbodnir føroyingar teknaðu seg til átakið í vár, og eftirmetingin var sera góð. Eitt nú skrivaði ein luttakari soleiðis:

“Fólkið og samanhaldið var heilt fantastiskt. Hettar vikuskifti er ein av bestu ferðunum eg havi verið í mínum lívi. Ja betri enn fleiri uttanlandsferðir!” – Sjálvboðin

Closed for Maintenance varð fyrstu ferð hildið á várið 2019, og úrslitið av arbeiðinum var so gott, at avgerð var tikin um at halda fram við arbeiðsdøgunum, sum ein partur av arbeiðinum at menna Føroyar sum ferðamál.

40 føroysk sjálvboðin sleppa við til Closed for Maintenance í heyst, og freistin at tekna seg er 14. september 2021.

Viðlíkahald á 9 ymiskum økjum

Heili 9 økir vera við í átakinum í heyst. Fleiri verkætlanir eru framhald av arbeiðinum, ið varð framt í vár og í 2019, men eisini eru nýggj støð, sum til dømis Hestoyggin, við hesaferð. Arbeiðsuppgávurnar vera í høvuðsheitum at gera gøtur og seta vegvísarar upp, so tað verður tryggari og lættari hjá bæði føroyingum og útlendskum ferðafólkum at ferðast í Føroyum. Yvirlit yvir allar verkætlanirnar sæst her.

Føroyingar kunnu fylgja við arbeiðinum á Facebook síðuni Closed for Maintenance, Open for Voluntourism – Føroyar og melda til her.

Nærri upplýsingar fáast við at venda sær til Jóhan Paula Helgason, á tel. 556131

Filmur frá 2019

Tilmelding

Closed for Maintenance – Tilmelding

Meira um átakið

Verkætlanir september 2021

Les meira um Closed for Maintenance átakið

Eldri verkætlanir

Verkætlanir apríl 2021