Use the icon on pages to add to favourites.

See & Do

{{::favorite.region}}

{{::favorite.title}}

{{::favorite.excerpt}}

Editorials

{{::favorite.region}}

{{::favorite.title}}

{{::favorite.excerpt}}

Events

{{::favorite.region}}

{{::favorite.title}}

{{::favorite.excerpt}}

Ferðavinnustuðul til almennar verkætlanir

Kommunur og kunningarstovur hava møguleika at søkja um fíggjarligan stuðul til almennar verkætlanir, ið kunnu hækka støði og skipa ferðavinnuna kring landið betri.

Umsóknartreytir:

Íløgan skal hava eitt alment endamál og vera ein ágóði fyri borgarar og ferðavinnuna á staðnum.

Stuðul verður latin við støði í krónu-fyri-krónu meginregluni, ið merkir, at kommunan (ella kunningarstovan) í minsta lagi fíggjar helmingin av verkætlanarkostnaðinum.

Tá avgerð um stuðul verður tikin, verður atlit tikið til:

1. At verkætlanin hevur eitt greitt ferðavinnuendamál
2. At talan er um eina burðardygga verkætlan, ið skipar ferðavinnuna á staðnum betri
3. At verkætlanin er umhugsað í mun til góðskukrøv, t.d. í mun til val av tilfari og staðseting
4. At stuðulin fellir til tey øki har tørvurin er størstur at seta inn.

Tað er ein fyrimunur fyri umsóknina, um talan er um tvørkommunala verkætlan.

 

Oyramerktur stuðul – í 2021 til gøtuverkætlanir:

Eftir at almenna stuðulsskipanin er eftirmett, er avgerð tikin um, at almenni stuðulin framyvir verður oyramerktur til útvaldar verkætlanir ella øki, so peningurin verður brúktur meiri miðvíst og harvið fær størri nyttuvirði.

Í 2021 er stuðulsupphæddin oyramerkt til gøtuverkætlanir kring landið.

At gera gøtur er týðandi amboð, tá ferðslan í náttúruni skal skipast. Tað er neyðugt at ferðandi vita, hvar rætta leiðin liggur. Við góðum gøtum verða fólk leidd tann vegin, tey eiga at fara, og øki, ið helst skulu hava frið, verða vard.

Hægstu raðfesting fáa gøtuverkætlanir, ið eru við til bøta um ella uppmerkja almennu bygdagøturnar.

Tað er ein treyt fyri stuðlinum, at verkætlanirnar eru grundaðar á handbókina um gøtubygging, ið til ber at taka niður her.

 

Umsóknarfreist:

Umsóknarfreist verður kunngjørd um vári og á heysti.

Umsóknir skulu sendast til [email protected].

 

Umsóknin skal innihalda eina neyva lýsing av verkætlanini, eina tíðarætlan og eina fíggjarætlan. Um umsóknin ikki inniheldur neyðug skjøl ella á annan hátt er ófulfíggjað, verður hon ikki viðgjørd.