Kom við okkum á trappuna í Vágsbotni, á altjóða degnum fyri "Bint alment"

Dámar tær væl tógv og at binda ella hekla?
So kom til Bint alment (altjóða heiti er WWKIP: World wide knit in public) tiltakið á trappuni í Vágsbotni. Hetta verður 3. ferð skipað verður fyri tiltakinum í Havn.

Tiltakið er ókeypis og hevur til endamáls at savna øll bindi- og tógváhugaði. Tá fleiri fólk innan sama áhugamál eru savnað eru bæði lærdómur og nýggj vinarbond at finna. Okkara vón er at hitta royndar og óroyndar bindarar og tógvelskarar í øllum aldri og úr øllum landinum!

So tak stokkarnar ella heklinálina við í taskuna, bindivinin undir armin og kom ein túr oman á trappuna at hugna tær saman við øðrum tógváhugaðum!

Deilið tiltakið við tykkara bindivinir og tey sum tú ynskir at hava við tær. 

Vit vóna at uppmøtingin verður líka góð í ár sum undanfarin ár ella kanska betri!



Gott at hava við: 

- Sitipútu! Steinarnir eru kaldir og harðir at sita á, og um tú ætlar at sita líka leingi sum eg, so er hendan eitt must. 

- Termokrúss! Eg klári meg í hvussu so er ikki so nógvar tímar uttan ein kaffimunn.

- Stokkar/heklinál! Ein sjálvfylgja, men skuldi tú gloymt tað, so ert tú vælkomin hóast alt. 


Vit síggjast!