Heimskenda manskórið DNS vitjar Varpið

“Den Norske Studentersangforening" úr Oslo kemur til Klaksvíkar 20.sept.

DNS er elsta kórið í Noregi. Felagið varð stovnað í 1845, og hevur síðani tá havt ein høvuðsleiklut í menningini av norskari manskórs-siðvenju, og hava teir ferðast og framført um allan heimin.

Kórið er undir leiðslu av Marit Tøndel Bodsberg Weyde, ið hevur vunnið fleiri altjóða virðislønir sum kórleiðari.

Konsertin verður fjølbroytt og festlig, og fara teir at framføra bæði klassisk og nýskapandi verk.

Varpið gleðir seg til hesa forkunnugu konsertina.