Í ár er Varmakelduframsýningin ein heiðursframsýning fyri Frits Johannesen

Frits Johannesen, mikli listamaðurin úr Fuglafirði, sum fór handan sýn í desember mánaði, var maðurin handan allar varmakeldu-framsýningarnar, ið hava verið. Hann stóð fyri øllum og stuðlaði bæði ungum og eldri í teirra list og hjálpti teimum at koma eitt fet longur fram í listaliga heiminum. Øll kundu vera við í Varmakelduframsýningini líka mikið, um tey júst vóru byrja at læra list, ella um tey vóru millum tey bestu í landinum.
"Tað er týdningarmikið at vit hjálpa teimum ungu fram á listarliga pallin", plagdi Frits at taka til. ❤
So í ár verður Varmakelduframsýningin eitt sindur øðrvísi.
Vit hava savnað saman fleiri listaverk eftir Frits Johannesen og ynskja við hesu framsýning, minnast hann á Varmakeldu 2024.

Fríggjadagin kl. 19
letur Varmakelduframsýningin “Frits til minnis” upp. Listaframsýning við málningum eftir Frits Johannesen. Dávur Winter og Jonhard Mikkelsen hugleiða.
Sunnudagin 7. juli kl. 16
Frits bar djúpan alsk til heimbygdina, til fjøllini, til fjørðin og til fólkið. Við tónum og tonkum hugleiðir Bárður á Lakjuni um Frits, sála.

Framsýningin er opin, tá Ribarhús og Piddasahandil eru opin um Varmakelduna.