BÓKADAGAR 2026: Bókaaktuellir høvundar lesa upp

Høvundakorterið er tiltaksrøð hjá Rithøvundafelag Føroya, har limir nýta høvi at lesa upp úr egnum nýprentaðum tekstum. 
Bókin Luddi og Lundisa spæla lunda-krógva og blunda er myndabók, sum Vár Berghamar Jacobsen hevur skrivað, og Delia Ciccarelli hevur myndprýtt. Hetta er fimta bókin um fittu lundapisurnar í Mykinesi.
Um høvundin Vár Berghamar Jacobsen er leiklistafrøðingur, sjónleikari og rithøvundur úr Tórshavn. Vit kenna hana m.a. frá jólakalendarum í KVF og Likkulikkuleia. Vár hevur eisini skrivað leikritið til Jól í Grannalagnum, sum varð sent sum jólakalendari í útvarpinum í 2007, og í 2025 var leikurin vístur sum sangleikur.
Fyriskipari: Rithøvundafelag Føroya