Kunning og verkstova um at brúka What's On!

Skipar tú fyri ella ætlar tú at skipa fyri til tiltøkum í Sandoyar sýslu?

What's On er ein síða har almenn tiltøk í øllum Føroyum verða samlaði á einum stað. Vit á Visit Sandoy og Visit Skopun vóna at so nógv tiltøk sum gjørligt úr okkara øki eisini kunnu koma við á hesa síðu. Hetta er bæði til gagns fyri føroyingar og ferðafólk og fyri teg sum fyriskipara at fleiri fólk kunnu blíva varug við hvat hendir í øllum landinum.

Vit skipa tí fyri einum kunnandi fundi og lítlari verkstovu, har tú sum fyriskipari kann læra at brúka What's On sum amboð fyri at fáa lýst títt tiltak.

Tiltakið verður í hølunum uppiá Sands Bókasavni á Mørkini Miklu 3 hósdagin 24. oktober kl. 14-16. Bárður Eklund frá Visit Faroe Islands kemur at standa fyri verkstovuni saman við starvsfólki hjá Visit Sandoy.

Øll eru hjartaliga vælkomin - eisini um tú bara ert forvitin eftir at hoyra um hetta.