Ein skimi í farna tíð

Í gamla Klakksvíkshandilinum fært tú mangt og hvat.
Kjøt, súltutoy, kaffi og te, bróstsukur, sápu og mangt mangt annað.
Vit hava altíð bestu vøru!
Kom og ger kvetti!

Jól í gamla Klakksvíkshandilinum er ein verkætlan hjá Norðoya Kunningarstovu, sum í samstarvi við Norðoya Fornminnasavn flytir Gamla Klakksvíkshandilin 50 ár aftur í tíð. Til eina tíð tá tað var eitt serligt upplivilsi at fara til handils, og konurnar gingu í kjóla.
Vørurnar á hillunum eru í stóran mun heimagjørdar. Talan er bæði um løggildað og óløggildaða heimaframleiðslu.