Málningar hjá Pól Skarðenni

Í hesum døgum er ein lítil listaframsýning av málningum hjá Pól Skarðenni í Miðlatúni.
Pól Skarðenni (føddur í 1962) er ein sera virkin listamaður. Hann sæst ofta í føroysku náttúruni, har hann málar nógvar av sínum málningum. Serliga eyðkend eru hansara vøkru málningar av føroyska landslagnum, har hann fær sín íblástur.
Pól er útbúgvin verkfrøðingur men hevur síðan 2003 arbeitt sum listamaður burturav. Hann hevur luttikið á nógvum framsýningum, bæði í Føroyum og uttanlanda.