Marius Ziska hevur í mong ár verið ein av Føroya best umtóktu tónleikabólkum.

Marius Ziska hevur í mong ár verið ein av Føroya fremstu og best umtóktu tónleikabólkum. Bólkurin hevur vunnið FMA-virðislønir fyri besta sang, bestu heildarútgávu og bestu tekstir.

Marius Ziska hevur verið nógv at hoyrt á føroysku tónleikafestivalunum og í fjør spældi bólkurin tríggjar útseldar konsertir í Norðurlandahúsinum saman við Føroya Symfoniorkestri. Bólkurin hevur eisini spælt nógv uttanlands og skal í november mánaða til Íslands at spæla á tónleikafestivalinum Iceland Airwaves.

Tónleikararnir, ið fara at manna bólkin Marius Ziska á konsertini í OY eru:

Hans Marius Weihe Ziska
Heðin Ziska Davidsen
Magnus Johannesen
Kristoffur Mørkøre
Jan Rúni Poulsen.