Tú hevur ongar yndis enn
Her kanst tú savna íblástur, greinar, tiltøk og støð, sum tú hevur áhuga fyri.
Trýst á ikonið á síðurnar, so koma tær fram her.
Tínir yndis
Íblástur & Greinir
Tiltøk & Túrar
Støð
Akrar - Víkarbyrgi
![hike poster](https://vfibackend.com/uploads/1248_large.jpg)
Ein stuttur og lættur túrur tvørtur eftir tí vallaða Akravegnum, við vøkrum útsýni yvir Vágs- og Víkarfjørð, har landslagið er rættiliga merkt av, at fláirnar hella so nógv eystureftir
Í Økrum finnur tú bygdagøtuna við at ganga út gjøgnum rættina uttast í bygdini. Komin út um rættina er neyðugt at fara upp um okkurt hegn og so ganga beint niðan vinstrumegin (eystan fyri) hegnið.
Tá ið tú kemur niðan á fyrstu høvdina, gongur tú beint niðaneftir fram við Ærgisá, eystarumegin gilið. Haðani eru varðar allan vegin, heilt oman í Víkarbyrgi.
Uppi á Brunni er gott útsýnið, og har er hugnaligt at sita og njóta løtuna við útsýninum norð á Porkerisnes og eystur á Baglhólm, har tað so týðiliga sæst, hvussu landslagið er sokkið niður eystureftir.
Komin oman í Víkarbyrgi ber til at ganga yvir á høvuðsvegin heldur enn at fylgja gøtuni heilt oman í bygdina. Á henda hátt slepst undan at klúgva upp um hegnið, ið gongur tvørtur um bygdagøtuna longri niðri við bygdina.
Møguligt er at ganga túrin úr báðum endum. Tað er eitt sindur brattari at ganga niðan úr Økrum
Akrar - Víkarbyrgi
There is no public transportation to either Akrar or Víkarbyrgi.
Parkering, á Økrum
Bilurin kann setast heilt úti við rættina uttast í bygdini, har pláss er fyri umleið trimum bilum (sí grøna frámerkið á myndini). Haðani gongur tú út gjøgnum portrið í rættini og út á bygdagøtuna (bláa strikan).
Víkarbyrgi - Akrar
There is no public transportation to either Akrar or Víkarbyrgi.
Parkering, Víkarbyrgi
Góð parkeringsviðurskifti eru fram við landsvegnum. Til ber t.d. at seta bilin við næstniðasta sving, áðrenn komið verður til bygdina (grøna frámerkið). Haðani verður gingið niðan við ánni og gjøgnum gilið við Steininum Gráa (bláa frámerkið)
Akrar - Víkarbyrgi
Víkarbyrgi - Akrar
Fakta
Tíð
longd
Hægsta stað
Hæddarmetrar