Vælkomin til mítt hugnaliga heim, at yvirnátta ella njóta eina góða máltíð.

Eg eiti Lilja Víká og búgvi á Áargarði 10.

Eg búðu øll míni fyrstu barnár á garðinum hjá ommu og abbi og flutti innaftur seinni, tá ið eg gjørdist vaksin, tí mær hevur altíð dámt væl her á garðinum. Nú eru húsini umbygd og nakað størri, men andin kennist júst sum tann sami, sum tað gjørdi í hugnaliga bygdalagnum.

Tað vekir góð minnir og tað fløvar mítt hjarta, tá eg hugsi um mín uppvøkstur her á garðinum. Fólk komu hvørjum øðrum við og gingi bleiv húsana millum til eitt prát. Eisini stukku fólk inn á gólvið og minnist at omma átti altíð te og okkurt heimabakað at bjóða. Minnist enn angan av sandkakuni við appelsin smakki og at kakan bleiv sett inn í skápið í stovuni.
Útsýnið norður í gjøgnum djúpini og sólsetur kvøldini, tá ið lofthavið fekk sín heita lit og nógv fremmandafólk koma út á Egg at síggja sólina fara í kav, bergtók meg og enn standi eg púra býtt hesar løtur.

Eisini hava skímingarløturnar fest seg í minnið. Tá sótu eg og omma oftani við einum borðspæli, meðan abbi lurtaði eftir útvarpinum. Tað var ein sovorðin friður yvir løtuni.
Tað er til hendan friðin og í tí andanum, at eg vil bjóða mítt heimablídni og Ból & Bita til tykkara.

Vælkomin innar!