Síðsta varðveitta hvalastøðin á norðara heimsknøttinum

Hvalastøðin við Áir stavar frá 1905.
Hon var partur av einum heimsumfatandi norskum stórídnaði,
sum kom her til landið um aldaskiftið 1800 – 1900.
Norskar fyritøkur settu sjey hvalastøðir á stovn í Føroyum.
Hvalastøðin við Áir var tann seinasta, sum kom,
og er tann einasta, ið er varðveitt.

Støðin helt uppat at framleiða lýsi og turrfóður í 1958.
Hon var opin í nøkur ár í 1960- og 1970-árunum,
har til bar at keypa tvøst.
Tann síðsti hvalurin varð flensaður á støðini í 1984.

Hvalastøðin er í dag savn.
Tjóðsavnið varðar av støðini
og hevur varðveitslu og viðlíkahald um hendi.

ATGONGUMERKI:

Vaksin: 80 DKK
Børn (0 - 18 ár): Ókeypis
Pensjonistar/lesandi: 50 DKK
Bólkar (min. 10 fólk): 50 DKK per persón
Rundvísing: 30 DKK per persón

Leygar- og sunnudag er rundvísing kl. 11, kl. 13 og kl. 15.

/Um summari er atgongumerkið galdandi til allar framsýningar Tjóðsavnsins (Brekkutún, Hoyvíksgarð og hvalastøðin við Áir), og kann nýtast einaferð til hvørt savn frá keypsdegi og eina viku fram.