Dansihøli í Vági og heimstaður hjá dansifelagnum Jómsvíkingum

Jómsborg er dansihølið hjá dansifelagnum Jómsvíkingum í Vági. Felagið varð stovnað í 1976 og keypti í 1986 gamla verkstaðin hjá Dion Nólsøe, sum varð bygdur um til dansihøli og fekk navnið Jómsborg.

Her verður føroyski dansurin hildin á lívi við almennum dansikvøldum, barnadansi og øðrum tiltøkum gjøgnum árið. Serliga um veturin er føroyskur dansur javnan á skránni, og øll eru vælkomin upp í ringin.