Karyatida - Minnismerki fyri kvinnur deyðar í barsilssong

Í hugnaligu miðstaðarlundini í Fuglafirði stendur eitt sjáldsamt minnismerki frá desember 2023 - ein abstrakt keramisk standmynd til minnis um kvinnur um allan heim, sum doyðu í barsilssong.
Tað er listakvinnan Guðrið Poulsen, eisini kend frá Leirlist, sum hevur gjørt listaverkið, sum varð avdúkað 17. desember í 2023.

Lukkutíð er barsilsdeyði ikki ein stórur trupulleiki longur, men kortini er gott at minnast aftur á allar tær, sum lótu lív, tá tær góvu lív.

Ein Karyatida er ein kvinnu-standmynd kend úr gamla Grikkalandi, sum hon, sum heldur takinum uppi, t.d. í einum templi á Akropolis.