Listastova, konserthølið og skapandi mentanarhús í Vágum.

Bygningurin húsar kvøldskúla í málningalist, atelier hjá listafólki, umframt at virka sum konserthølll, og høli til skeið og fyrilestrar.
Listastovan vann eina FMA - Faroese Music Award Listastovan er eitt livandi mentanarhús í Vágum, sum húsar kvøldskúla í málningalist, atelier hjá listafólki, konsertum, skeiðum og fyrilestrum. Húsið hevur seinastu árini verið ein týðandi pallur fyri tónleik og list í økinum.

Í 2017 vann Listastovan eina FMA (Faroese Music Award) fyri Ársins átak fyri sítt arbeiði við at menna tónleikara- og konsertmentanina í Vágum. Saman við Norðurlandahúsinum og Spaniastovu er Listastovan eisini partur av PULS, eini norðurlendskari verkætlan, ið arbeiðir fyri at styrkja samstarvið millum tónleikarar og spælistøð í Norðurlondum.