Ein veðurgóð lund mitt í Fuglafirði

Mitt í Fuglafirði, beint við bókasavnið og kirkjuna, liggur ein vøkur, fjálg og veðurgóð lund, við góðum útsýni, grasfløtum at spæla á og runnum og trøum, ið veita lívd. Her hittast fólk til spæl og hugna, og her er um summarið ein støkk-upp útikafé, sum kallast Hjallurin.

Í desember 2023 var Karyatida reist her - eitt minnismerki fyri kvinnur um allan heim sum doyðu í barsilssong. Minnismerki hevur listakvinnan Guðrið Poulsen gjørt.

Seinastu mongu árini hevur ein uttanduragudstænasta verið hildin her annan hvítusunnudag.

Á Mentanardøgunum og aðrar tíðir, verða ofta tiltøk løgd her, tí her er so vakurt og veðurgott, og so liggur miðstaðarlundin mitt í býnum.