Vovin úr vindi og fjøllum

Sirri varð stovnað í 2000 av Karin og Árna Brattaberg. Hugskotið var einfalt: at gagnnýta tað tilfeingi, vit hava í Føroyum – føroysku ullina – og geva henni eitt nýtt lív.

Í 2025 eru Sirri-pløggini gjørd úr 80% føroyskari ull og 20% nýsælendskari ull. Framtíðin er ein ferð móti okkara dreymi – at brúka reina føroyska ull.

Ullin
Í øldir hevur seyðurin verið hjartað í føroyska lívinum. Longu í Seyðabrævinum frá 1298 sæst, hvussu týðandi ullin hevur verið – eitt tilfeingi, sum tryggjaði lív og lívsgrundarlag.

Fyrr var hon einasta tilfarið, tá klæðir skuldu gerast. Ullin verndi móti stormum og kulda og gjørdist eitt náttúrligt skjól undir hesum harðbalna veðurlagi.

Í dag hevur hon fingið ein nýggjan leiklut. Sama ull, sum fyrr var lívsneyðug, verður nú brúkt til at skapa klæðir, ið bera søguna um ull, sum einaferð var Føroya gull víðari.

Tilfarið
80% føroysk ull – 20% nýsælendsk ull.

Vovin úr vindi og fjøllum.
Við stillari vón
um eina ferð at spinna