Sørvágs Bygdarsavn hevur eitt fjølbroytt savn av søguligum lutum og gripum.

Nevnd: Sonni Jacobsen fm., Herálvur Jacobsen ksm., Elsebeth Davidsen, Regin Davidsen, Jógvan Steintún.

Sørvágs Bygdarsavn varð stovnað í 1963. Í fyrstuni helt savnið til á loftinum í gamla elverkinum í Sørvági, har tað var fram til 1980.
Fólkið í bygdini og aðrastaðni á oynni stuðlaði væl undir savnið og lótu alsamt fleiri søguligar lutir og gripir. Soleiðis vaks Sørvágs Bygdarsavn skjótt og gjørdist eitt av størstu bygdarsøvnunum í landinum.
Í juni 2014 flutti savnið inn í sín egna, nútímans bygning í gamla bankahúsinum. Tá fingu Sørvágs kommuna og Tjóðsavnið endiliga møguleika at tryggja savninum betri hølir og eina tryggari framtíð.
Á bygdarsavninum sæst ein fjølbroytt savnsgoymsla við lutum og amboðum, sum hava verið brúkt til m.a. bergarbeiði, seyðahald, fiskiskap, grindadráp, snikkraarbeiði, smíð, landbúnað, hoygging, torvskurð, steinbúna, ullararbeiði, binding, seyming, bátaútgerð og húsarhald – fyri bert at nevna nøkur fá. Savnið eigur harumframt umleið 10.000 gamlar myndir.
Vitjar heimasíðu savnsins við at fylgja leinkjuni niðanfyri.