Eitt sunnukvøld í Plantasjuni… Her er gott at vera!

Her kanst tú spáka ein túr, síggja tey mongu sílini í ánni (bara hyggja – ikki fiska!), geva dunnunum ella síggja tær mongu standmyndirnar, harímillum standmyndina til minnis um teir, sum fullu undir seinna heimsbardaga umframt mongu vøkru verkini hjá Hans Paula Olsen við Listasavnið.

Byrjað var at gera plantasjuna í 1903. Í jólaódnini í 1988 vóru fleiri trøð skrykt upp við rót, og ein stórur partur av plantasjuni varð løgd í oyði.

Falnu trøini hava skapt eitt serstakliga gott spælipláss til børnini og ger plantasjuna enn betur fyri ung og gomul.