Tað er eins natúrligt sum at anda.

Dorthea hevur sungið og fingist við tónleik, síðani hon varð fødd. Tað er eins natúrligt sum at anda.

Tónleikurin hjá Dortheu kennist ofta sum at finna sanna vón, sum at hoyra troystina tala og sum at finna sær eitt heim eina løtu.

Dorthea hevur spælt í fleiri ymiskum samanhangum, í bólkum og sum solistur, men kjarnin er altíð Dorthea – hennara tónleikur, hennara sangir og hennara rødd.
Tú fært ikki sett tónleikin hjá Dortheu í ein bás.
Tónleikur hoyrir ikki heima í einum bási, men kennist aftur, tá hann ljómar av nøkrum veruligum.

Og tað ger tónleikurin hjá Dortheu.

Hann er erligur, natúrligur og beint í andlitið.

Hóskvøldið 29. oktober kl. 20.00 verður høvi at uppliva Dortheu í Listastovuni – hennara sangir, hennara rødd og ein tónleik, sum fyrst og fremst er hennara egni.