9. juli spælir Maria á Lakjuni eina konsert í Ribarhúsi í Fuglafirði.

Eftir júst at hava lokið bachelorútbugving á Det Jyske Musikkonservatorium, fer Maria at framføra heilt nýggj løg, sum eru skrivað í lestrartíðini. Í sambandi við bachelorverkætlanina í vár hevur hon arbeitt við at skriva løg til yrkingar hjá Alexandur Kristiansen, og á konsertini verður møguleiki at hoyra fleiri av teimum fyri fyrstu ferð.
Við sær hevur hon Benjamin Djurhuus á guitar, sangi og øðrum ljóðførum.
Ein innilig tónleikauppliving, har føroyskt tilfar er miðdepilin.