Tú hevur ongar yndis enn
Her kanst tú savna íblástur, greinar, tiltøk og støð, sum tú hevur áhuga fyri.
Trýst á ikonið á síðurnar, so koma tær fram her.
Tínir yndis
Íblástur & Greinir
Tiltøk & Túrar
Støð
Gøtu Kirkja
Eyðkenda kirkjan varð vígd í 1995
Eyðkenda kirkjan við Gøtugjógv varð vígd 25. juni 1995, og er sostatt ein av nýggjaru kirkjunum í Føroyum. Áðrenn hetta brúktu gøtufólk gomlu kirkjuna í Norðragøtu, ið var vígd í 1833.
Tað ið eyðkennir nýggju kirkjuna í Gøtu er glaslistin, sum Tróndur Patursson hevur staðið fyri. Úr loftinum hanga seks glaslampur, og á vegginum hanga 24 lampur, 12 stórar og 12 smáar. Tær 12 stóru lampurnar eru prýddar við einum krossi. 12 talið kann setast í samband við teir 12 lærusveinarnar.
Tornið í kirkjuni ímyndar teir tríggjar krossarnar á Golgata. Í torninum eru tvær klokkur, sum báðar hava áskriftina "Eg ringdi yvir bygdir hvøll, eg kallið fólkið: komið øll."
Gøtu kirkja hevur opið fyri vitjandi frá 14. mai til 15. september, mánadag-leygardag kl. 14-16.
Kostnaður fyri at sleppa inn er 20 kr. Annars hevur kirkjan opið eftir avtalu á tlf. +298 21 10 76.
Bústaður
Gøtuvegur 7
Eysturoy
Upplatingartíðir
-
Stongt