Kom nær at søguni um Sáru Malenu, sum varð rópt gandakellingin úr Skúvoy

Sára Malena í Heimaragarði varð fødd í Skúvoy í 1832. Hon var gløgg og røsk, men hevði ringt orð á sær longu sum barn. Seinni fóru søgur at ganga um, at hon dugdi gand og kundi biðja ilt yvir onnur. Hvør var hon, og hví fekk hon spaldrið gandakelling? Einrøðuleikurin er skrivaður og skapaður av Gunnvá Zachariasen og Riu Tórgarð. Gunnvá leikar, og Ria hevur leikstjórnina.