Í Ribarhúsi í Fuglafirði er eitt hekklað jólatræ, sum eisini verður tendrað

Á loftinum í Ribarhúsi í Fuglafirði er eitt hekklað jólatræ, sum er eitt úrslit av einari lokalari hekkli-verkætlan og fyrstu ferð varð tendrað í 2018.

Fríggjadagin 29. november kl. 17 verður jólatræið aftur tendrað. Hetta verður ein hugnalig løta, har manskórið VEGA syngur nakrar jólaligar sangir á loftinum, áðrenn jólatræið verður tendrað. Hugnaligt er eisini niðriundir, har heimavirkishandilin er opin kl. 11 - 18, eins og Lúkukaffi letur upp við suppu kl. 11.30, til uppi er, og annars við kaffi og køku til kl. 18.

Verkætlanin byrjaði 14. nov. 2018, og fekk íblástur frá einari italskari verkætlan í Trivento, sum eisini byrjaði í 2018. Jólatrøini í Trivento og í Fuglafirði blivu bæði fyrstu ferð tendrað 8. desember í 2018.