eitt bland av klassiskum-, kendum- og siðbundnum latínamerikanskum jólasangum

Í november og desember verða 3 konsertir í trimum ymiskum kirkjum í Runavíkar kommunu, sum eru fyriskipaðar við støði í nýggju Økistónaskipanini.
Triðja Økistónakonsertin í hesum umfarinum verður ein jólakonsert í Oyndarfjarðar kirkju sunnudagin 8. desember kl. 15.00. Tað eru tey bæði Cinthia Gonzáles, sang, og Sergio Martinez, gittar, ið fara at framføra eitt bland av klassiskum sangum, kendum jólasangum og siðbundnum latínamerikanskum jólasangum.
Konsertin varir uml. ein tíma og er ókeypis.