Hugnaliga familjutiltakið, ið fagnar staðbundna sjómatin

Leygardagin, 2.mai, verður Tórsgøta aftur karmur um hugnaliga og hugkveikjandi familjutiltakið, Ein dagur á grynnuni.

Í sjónum kring oyggjarnar er eitt margfeldi av djóra- og plantulívi, og 2.mai bjóða vit tykkum øllum - børnum og vaksnum - at uppliva staðbunda sjómatin við øllum sansunum.

Kokkar og onnur góð matfólk fara at borðreiða við alskyns góðmati úr sjónum, og høvið verður til gott prát um sjógv og sjómat.

Vit gleða okkum at síggja tykkum øll í Tórsgøtu 2.mai frá 11.00 - 16.00 🐟