Leikstjóraprát eftir sýningina av Jossain on valo joka ei sammu (A Light That Never Goes Out)

Aftan á sýningina av Jossain on valo joka ei sammu (A Light That Never Goes Out), sum er í uppskoti til Filmsvirðisløn Norðurlandaráðsins 2026, fara vit at hitta leikstjóran av filminum. Finski filmskaparin og tónleikarin Lauri-Matti Parppei kemur á pall at greiða stutt frá tónleiki, íblástri og finsku filmsvinnuni.
Um filmin Filmurin Jossain on valo joka ei sammu (A Light That Never Goes Out) snýr seg í stuttum um unga og dugnaliga tvørfloytuleikaran Pauli, ið vendir heim aftur eftir eitt nervasamanbrot. Hann tekur sambandið upp aftur við ein gamlan skúlafelaga og verður hugtikin av eksperimenterandi tónleiki, ið tykist øvutur av klassiska tónleikaheiminum, hann kemur frá. Filmurin tekur upp evni sum listaligan samleika, vinalag, perfektionismu, sálarbót og týdningin av heimstaðnum.
Dómsnevndin til Filmsvirðisløn Norðurlandaráðsins legði í grundgeving sínari serligan dent á, hvussu tónleikurin í filminum ger seg galdandi, um hvussu áskoðarin verður møttur av einum kærleika til serliga eksperimenterandi tónleik, og hvussu hetta er gjørt á ein hátt, sum er serstakt fyri film yvirhøvur.
Um leikstjóran Lauri-Matti Parppei er filmskapari, tónleikari og listafólk, búsitandi í Helsingfors í Finnlandi. Við sínum sermerkta frásøgustíli og sínum nærverandi og kensluliga arbeiðshátti við sjónleikarum hevur Lauri-Matti Parppei vakt ans. Fyrsti spælifilmurin, A Light That Never Goes Out, varð sýndur í ACID-skránni á filmsstevnuni í Cannes í 2025 og vann sjey Jussi-heiðurslønir í Finnlandi, millum annað fyri bestu leikstjórn og besta handrit. Umframt filmsvirksemið er Lauri-Matti Parppei eisini sangari og sangskrivari í bólkinum Musta valo.
Seks norðurlendskir filmar eru tilnevndir til Filmsvirðisløn Norðurlandaráðsins 2026. Filmarnir verða sýndir í Norðurlandahúsinum í døgunum 7. til 9. oktober. Vinnarin verður kunngjørdur 20. oktober.
Atgongumerki til filmarnar fáast her.