Nólsoy er ein av smáu oyggjunum í Føroyum, 10 km² til víddar, og liggur stutt eystan fyri høvuðsstaðin Tórshavn.
Vestursíðan er vallað, ímeðan eystursíðan er brøtt við ríkum fuglalívið. Sunnarlaga í oynni er Borðan, har ið vitapassarin fyrr búðleikaðist.
Hóast Nólsoy er 371 metrar høg, so er hon tann lægsta av øllum 18 oyggjunum í Føroyum.
2021 búgva umleið 230 fólk í Nólsoy.

Í sanginum hjá Hans Andreasi Djurhuus Lítið yvir Føroyaland, tekur hann soleiðis til: Nólsoy ryggin úr sær spennir, stendur stinn – so long og mjá, verjir fyri Havnarvág.

Vit í Nólsoy eru glað fyri øll vitjandi í oynni og vilja gera okkara besta fyri at tú skal fáa eina so góða uppliving sum til ber. Tað er okkara vón at tú fert væl um meðan tú ert á vitjan.