Føroyskt-týska jazz-kollektivið Larceny varð sett á stovn í Týsklandi í 2021, og hevur tvær útgávur á baki, við tí triðju ávegis. Bólkurin framførir melodiskan jazz, sum sveimar frá eymligum hugløgum til gosandi útbrot.
Larceny er eitt hitt vakrasta orðið fyri stuldur, og sipar til hetta at leitar sær íblástur frá kenslum og farnum upplivingum, og at lata avgomul hugskot í nýggjar búnar. Larceny turnerar javnan í Týsklandi, og hevur m.a. framført á Jazzopen festivalinum, har teir hitaðu upp fyri amerikanska sangaran, Gregory Porter. Í 2022 framførdi Larceny á Vetrarjazz, og gjørdist tann føroyaferðin íblásturin til løgini á útgávuni Crosscurrent.
Julian Drach, saxofon
Pauli Reinert Poulsen, gittar
Moritz Langmaier, klaver
Jan Mikio Kappes, kontrabass
David Giesel, trummur