Tú hevur ongar yndis enn

Her kanst tú savna íblástur, greinar, tiltøk og støð, sum tú hevur áhuga fyri.

Trýst á ikonið á síðurnar, so koma tær fram her.

Íblástur & Greinir

Tiltøk & Túrar

Støð

Bygdagøtur

Leita Leitingarúrslit

INSPIRATIÓNIR & ARTIKLAR

TILTØK & GONGUTÚRAR

Støð

Norðskála - Skálafjørður

Frá niðara parkeringsplássinum í Norðskála, verður gingið niðan í hugnaligu ánna. Mynd: Óli Gardshodn.
Friðsælt uppi við Toppið, oman fyri bygdina Norðskála, har Tippisáin og Skálá koma saman. Her síggjast torvkráir og eitt niðurdottið torvhús. Mynd: Óli Gardshodn.
Útsýnið omanfyri tunnilsmunnan í Norðskála. Mynd: Óli Gardshodn.
Útsýnið tætt uppi undir Skarðið undir Nøvini, omanfyri Norðskála. Í baksýninum Streymoy. Mynd: Óli Gardshodn.
Á Skarðinum undir Nøvini, verður gingið tætt undir Nøvini. Mynd: Óli Gardshodn.
Útsýni av Skarðinum undir Nøvini, norður yvir Funningsfjørð. Mynd: Óli Gardshodn.
Útsýni av Skarðinum undir Nøvini, oman Millum Fjarða. Mynd: Óli Gardshodn.
Útsýnið frá Skákugil, undir Skálafjalli, suður yvir Skálafjørðin. Mynd: Óli Gardshodn.
Øksnagjógv. Mynd: Óli Gardshodn.
Tippafossur. Mynd: Óli Gardshodn.

Frá niðara parkeringsplássinum í Norðskála, verður gingið niðan í hugnaligu ánna. Mynd: Óli Gardshodn.
Friðsælt uppi við Toppið, oman fyri bygdina Norðskála, har Tippisáin og Skálá koma saman. Her síggjast torvkráir og eitt niðurdottið torvhús. Mynd: Óli Gardshodn.
Útsýnið omanfyri tunnilsmunnan í Norðskála. Mynd: Óli Gardshodn.
Útsýnið tætt uppi undir Skarðið undir Nøvini, omanfyri Norðskála. Í baksýninum Streymoy. Mynd: Óli Gardshodn.
Á Skarðinum undir Nøvini, verður gingið tætt undir Nøvini. Mynd: Óli Gardshodn.
Útsýni av Skarðinum undir Nøvini, norður yvir Funningsfjørð. Mynd: Óli Gardshodn.
Útsýni av Skarðinum undir Nøvini, oman Millum Fjarða. Mynd: Óli Gardshodn.
Útsýnið frá Skákugil, undir Skálafjalli, suður yvir Skálafjørðin. Mynd: Óli Gardshodn.
Øksnagjógv. Mynd: Óli Gardshodn.
Tippafossur. Mynd: Óli Gardshodn.

Ein fjølbroyttur og vakur túrur

Ein fjølbroyttur og vakur túrur við góðum útsýni yvir Sundini og tveir teir størstu firðirnar í Føroyum. Gingið verður fram við gomlum torvkráum og gjøgnum víða økið Millum Fjarða, fylt við søgum um frekar seyðatjóvar – teirra millum Ormur bóndi.

Byrjað verður í Norðskála við stóra parkeringsplássið oman fyri Skálagjógv. Tað ber eisini til at byrja við tunnilsmunnan Norðskálamegin, har slepst undan nøkrum hegnum. Gakk teir fyrstu 300 m niðan við hugnaligu Tippisánni. Uppi í Dal eru nógvar torvkráir frá tíðini, tá torv varð skorið í gomlu torvheiðunum. Við Tippið skalt tú fara suður um ánna og ganga beina leið niðan sunnanvert tunnilsmunnan, víðari niðan á 409 m høga skarðið Skarðið undir Nøvini. Her er vakurt útsýni oman yvir Sundini, yvir á Hvalvík og fjøllini vestanfyri millum Vestmanna og Saksun. Gott og vallað er at ganga niðan, men nøkur hegn eru á leiðini, og tíverri eru ongir stigar.

Komin eystur um skarðið gongur leiðin á slættan Reiðgøtu og oman í Vesturdal. Her er vakurt at ganga í mýrulendinum, við útsýni norður gjøgnum Funningsfjørð og suður Millum Fjarða. Omanfyri síggjast høgu røkurnar og stór og vøkur urð undir Nøvini. Varðar eru allan vegin oman í dalin. Tað er lætt at ímynda sær søgnina um Orm bónda, sum á hesti sínum ríðir runt í hesum víða og óbygda øki. Hann var kendur fyri at stjala seyð frá Funningsbóndanum norðanfyri og Oyrabóndanum vestanfyri. Eisini eru aðrar søgur um seyðatjóvar, t.d. Jákup Dintil úr Syðrugøtu.

Komin eystur um Vesturdal heldur leiðin fram eftir slættanum undir Skálafjalli, kallaður Høgi Hvítahjalli. Her er gott at ganga á skiftandi vøll og hella, við vakurt útsýni yvir dalin. Tá tú kemur eystur á endan, sært tú oman á spíska heyggin Stevnuvál, gamla tingstaðin í Eysturoynni.

Tá tú kemur eystur um Rustina, skalt tú ganga omanav, men bert so langt, at tú kemur oman um tað brattasta. Haðani heldur tú somu hædd og gongur beint móti Skálafirði, omanfyri hegnið hjá bóndanum. Hegnið førir teg heim til Tippafoss, niðanfyri Øksnagjógv. Her er best at ganga eftir GPX-fíluni.

Tað er vakurt og hugnaligt at koma oman til høga og vakra Tippafoss. Beint omanfyri, við Øksnagjógv, rennur áin gjøgnum djúpt gil oman í fossin, niður í stóran hyl og víðari í Fjarðará. Sambært søgnini goymdi Ormur bóndi líkini av Oyrabóndanum og syni hansara her. Í svøvni fortalaði hann seg: “Klæðini liggja undir kvørnini, og kropparnir undir Tippafossi!”. Húskallarnir hoyrdu hetta, funnu líkini og blóðdálkaðu klæðini. Hann varð stevndur og dømdur til deyðis á Stevnuváli. Tá dómurin varð sagdur, rýmdi hann á hesti móti Skála, men varð innheintaður eftir kapprenning, fekk hælsinina skorna yvir og varð fluttur aftur, dripin og jarðaður har.

Seinasta strekkið gongur beint omanfyri Stórheyggj og oman til seyðarættina við bygningin hjá Kelduni í Skálafirði, har ein brúgv er tvørtur um ánna. Portrið er omanfyri rættina.

Vís allar Google Kort

Tak niður GPX slóð

Norðskála - Skálafjørður Skálafjørður - Norðskála

Norðskála - Skálafjørður

Skálafjørður - Norðskála

Norðskála - Skálafjørður

Parkering:
Á Norðskála skal ein parkera við stóra parkeringsplássið, sum er har sum bygdagøtan byrjar, við høvuðsvegin omanfyri Skálagjógv, 975 m. niðan frá Magnstøðini, sí grønu markeringina. Haðani skal gangast út gjøgnum portrið, sum er beint har við. Uppi við Tippið, uml. 300 m. niðan við Tippisánni, skalt tú fara suður um ánna, upp um hegnið og haðani beina leið niðan sunnanvert tunnilsmunnan, sí bláu linjurnar. Til ber eisini at parkera uppi við tunnilsmunnan - sí grønu linjurnar, og fara út gjøgnum portrið, sum er beint har við.

Bussleiðir:
Sera gott busssamband er í samb. við hesa bygdagøtu. Norðskáli og Skálafjørður eru tvey av høvuðs bussstoppistøðunum á

Skálafjørður - Norðskála

Parkering, Skálafjørður:
Í Skálafirði eru góðir parkeringsmøguleikar, t.d. fram við vegnum niðan til rættina rættina, sum liggur beint norðanfyri Kelduna – sí grønu markeringina. Haðani skal gangast út um portrið sum er beint omanfyri rættina. Komin út gjøgnum portrið skal ein oman um rættina, yvir um brúnna, og haðani niðan móti Stóraheyggi – sí bláu linjuna.

Bussleið:
Sera gott busssamband er í samb. við hesa bygdagøtu. Norðskáli og Skálafjørður eru tvey av høvuðs bussstoppistøðunum á høvuðsleið 400 millum Tórshavn og Klaksvík.

SSL leið 400: