Tú hevur ongar yndis enn
Her kanst tú savna íblástur, greinar, tiltøk og støð, sum tú hevur áhuga fyri.
Trýst á ikonið á síðurnar, so koma tær fram her.
Tínir yndis
Íblástur & Greinir
Tiltøk & Túrar
Støð
Skálafjørður – Oyri
![hike poster](https://vfibackend.com/uploads/1152_large.jpg)
Ein áhugaverdur túrur eftir Eysturoyarsyllini við vøkrum útsýni og spennandi gróti
Bygdagøtan millum Skálabotn og Oyri er spennandi, friðarlig og hugnalig at ganga. Kanska ein undirmettur túrur. Her sært tú rátt grótlendi, grótbóltar og Eysturoyarsyllina og hevur gott útsýni yvir á allar tindarnar eysturoyar- og streymoyarmegin.
Í Skálabotni er lætt at ganga eftir gøtuni. Frá rættini norðan fyri Kelduna verður gingið eftir stóru brúnni tvørtur um ánna, og haðani kanst tú fylgja prestunum við gulum toppi (GG: summir teirra kunnu liggja niðri).
Tá ið komið verður niðan í 350 m hædd skálafjarðarmegin, ber til at fylgja gomlu varðunum, ið týðiliga vísa røttu leiðina allan vegin til Oyrar.
Á Oyri verður gingið niðan gjøgnum Tungugøtu til fyrsta svingið. Síðani gongur leiðin tætt niðan við ánni, beint eftir svingið og út gjøgnum portrið, har fyrsti presturin er at síggja. Fyrsti varðin á Oyri sæst frá portrinum, og prestar leiða teg niðan hagar.
Gøtan sæst næstan ongastaðni, so her er at fylgja prestunum og varðunum allan vegin.
Gøtan kann gangast báðar vegir, so veðurforsøgn og transport møguleikar kunnu avgera hetta.
Skálabotnur – Oyri
Leið 450 koyrir bæði til Oyrar og inn á Skálafjørð, so tað er upplagt at nýta buss til hendan túrin.
Parkering Í Skálabotni/Skálafirði
Í Skálabotni eru góðar umstøður at seta bilin, t.d. fram við vegnum frá Kelduni niðan í rættina beint norðan fyri Kelduna (sí mynd)
Oyri - Skálabotnur
Leið 450 koyrir bæði til Oyrar og inn á Skálafjørð, so tað er upplagt at nýta buss til hendan túrin.
Parkering á Oyri
Á Oyri ber til at seta bilin á parkeringsplássið Garnhúsið (sí mynd)
Skálabotnur – Oyri
Oyri - Skálabotnur
Fakta
Tíð
longd
Hægsta stað
Hæddarmetrar